Reading
Add Comment
الثقه بالنفس رحلة تخص كل وحده منا كل شخص راح يكون له مسار مختلف عن الشخص الاخر ولكن كلنا راح نكون على نفس الطريق
وهو بناء الثقه بالنفس
" SELF CONFIDENCE " كلمه مأخوذه من اللغة اللاتينيه
تعني الايمان والثقه بشخص معين او بنفسك
مافي طريقة خاطئه او صحيحة لبناء الثقه بالنفس لانه الصح والخطاء عامل شخصي
الطرق اللي راح اقدمها لكم شامله راح تساعدكم لبداية رحلتكم بالحياه بنجاح
تمارين للثقه بالنفس
الثقه بالنفس تحتاج للتمرين مثل العضلات كلما تمرنتي صارت اكثر قوة والثقه بالنفس تحتاج للتمرين
وهذي تمارين للثقه بالنفس
1/ فكري باأفكار ايجابيه
خصوصا في الاوقات اللي تحسين فيها بالحزن والاكتئاب خوذي نفس عميق وتذكري انه الحياة جدا قصيرة ولازم تعملين للافضل
انا
اشجعكم على انكم تكونو متفائلين وتحبون انفسكم بس لازم انتي بعد لازم
تشجعين نفسك ومو بس تشجعين نفسك بدون عمل لانه اضمن لك انه ماراح يتغير شي
اعملي للنجاح
حلو انك تذكرين نفسك من وقت لاخر انه انتي قويه وتستحقين الافضل واكيد زي ماقلت قبل تعملين وكلنا نقدر نتغير للافضل
2/ ابحثي عن محاسن شخصيتك
بدل
ماتفكرين وتبحثين عن سلبياتك ركزي على ايجابيتك ومو شرط يكون شي واو يمكن
انتي مميزه بالميك اب او بالتصوير او تحبين تقرين وغيره
مافي احد ممتاز بكل شي وكلنا مخلوقين وتميزنا اشياء معينه كلنا مختلفين وجميلين بطريقتنا الخاصه
وكل وحده اكيد عندها اشياء تميزها كثير وراح تكتشفينهم مع مرورالوقت واذا كنتي ماتحسين انه عندك اشياء تميزك
اسألي نفسك هالسؤال البسيط ايش الشي اللي ابرع انا فيه كل شخص يبرع بشي معين واذا كنتي ماتعرفين خوذي هالفرصة عشان تكتشفين الشي المميز بك
ارسمي اطبخي فصلي صممي ادخلي دورات ميك اب
خوذي شي انتي مهتمه فيه وابنيه ليناسبك ويناسب شخصيتك
وابي من كل وحده منكم تاخذ ورقة وتجلس وتفكر بالصفات الايجابيه الموجودة فيها وتكون هالصفات صفات داخليه
مثل انا صادقه انا اخت جيده انا طباخه
ولازم الصفات اللي راح تكتبينها تكون صدق موجوده فيك وتكون ايجابيه زي الامثله اللي عطيتكم
الفايده من الورقه الورقه هذي تحطينه بمكان كل مايكون يومك سيء او صعب تقرينها بتساعد بأذن الله بتغيير مسار يومك الى يوم جميل
وهذي فكرتي لجرة الايجابيات
3/ كوني ايجابيه
رحلتك بالحياة ماراح تكون سهله بتكون فيه ايام بتستسلمين وراح تحسين بالضياع وانك مستحيل تكملين اكثر من كذا
بس لازم تذكرين نفسك اذا بتوصلين للثقه بالنفس والنجاح لازم لازم تكونين ايجابيه هذا هو مفتاح السعادة
العقل
اللي يفكر بأايجابيه راح يكون قدامه ابواب مفتوحة
ومجالات كثيرلاتمشين على طريق واحد مثلا انتي تخصصتي قسم عربي خلاص تخلين
كل امالك بهالقسم لا ادخلي مجالات ثانية نمي مهاراتك وهوايتك واستمتعي
وانتي تسوين الشي اللي تحبين
4/ غيري طريقتك بالتفكير / خداع العقل
هذي الطريقه احب اسميها خداع العقل ليه سميتها كذا
انه
مثلا لو كان يومك سيء اخدعي عقلك وفكري باأشياء ايجابيه مثلا فكري بأنك
راح تعدين هاليوم السيء بسهوله كبيره اواكيد بيكون فيه شي جميل بهذا اليوم
او اكيد هالشي اللي صار وخرب يومي راح يكون خيره من الله
ولازم تقنعين نفسك وتداومين على هالشي
فيه دراسه تقول اذا تكرر الشيء 21 مره يصير عادة استغلو هالشي
5/ العطاء
حب الناس ومساعدتهم راح يلهمك لحب نفسك
الاهتمام بالناس ومساعدتهم بكافة
انواع المساعدة سواء كانت مادية او معنوية راح تكون من افضل العطايا اللي تقدمينها للناس
لانه السعادة اللي راح يحسونها انتي راح تحسين اضعافها ومعروف ان السعادة تكون اكبر للمعطي من المعطى له
وبالنهايه
اتمنى مع الوقت تكونون كتبتو اشياء ايجابيه كثير عنكم وتذكرو لو حبيتي
نفسك على ماهي عليه ماراح يفيدك هالشي حب النفس مهم بس طوري منها وحبيها
وراح تنبهرين بالأشياء اللي تقدرين تسوينها خلي ثقتك بربك وثم نفسك كبيره
واكيد
اذا بديتي بالتفكير بأايجابيه راح تتغير اشياء كثير حولك اولهم بتلاقين
ناس حولك افضل من اللي قبل وبتكونين اكثر مقدرة على نشر الحب والايجابيه
للناس حولك
وبالنهايه كلنا مو كاملين لكن بطريقه جميله ومميزه وهذا اللي يميزنا
اتمنى يكون البوست اعجبكم واشوفكم ببوست جديد ان شاء الله
0 التعليقات:
إرسال تعليق