Reading
2
Comments
فيه
مشكلة كلنا نمر فيها بين فترة وفترة او تقريبا كل يوم وهي "ماعندي شي
البسه" تلاقينك قاعده بالساعات قدام دولابك وماقدرتي تنسقين لبسه للدوام او
طلعه
ومع كذا عندك جزم و ملابس وشنط ...وكثيره بس عندك شعور اللي "ماعندي شي البسه "
اذا عندك نفس المشكلة خلينا نبدأ معرفة الاسباب
اول سبب :
تلاقين انه كثير ملابس عندك تغيرت من ناحية المقاس سواء بسبب زيادة الوزن او نقص بالوزن
ثاني سبب :
تشرين شي مايناسب ستايلك . كيف يعني ؟
يعني تشرين الشي عشانه حلو على البترينه او حلو على صديقتك او غيرها مع انه مايناسبك
.بعض التصميمات تكون مصممه لنوع جسم معين راعو هالنقطه
ثالث سبب :
تشرين التنورة او الفستان.. عشانه على الموضه
ومعروف انه اغلب الموضات لموسم معين وتنتهي مع انتهاء الموسم . وفيه استثناء اكيد
رابع سبب :
وهذا السبب كثير نسويه وهو انك تشرين البلوزه او غيرها عشانها مخفضة
وبعض الاحيان ماتكون عاجبتك كثير بس مخفضه وسعرها مايستاهل .
واكيد لكل مشكلة حل
الحين نجي للحلول عندي حلول تخليك تشوفين دولابك مليان ملابس جزم وشنط وكلها اشياء تحبينها وتقدرين تنسقين لبسه ب 10 دقايق
اول حل : اعرفي ستايلك
وهذا اهم حل هو شي مهم اعرفي نوعية الستايل اللي
تناسب ستايلك ووزنك وتناسب شخصيتك واهم شي انك تكونين مرتاحة وانتي لابسته
وواثقه بنفسك
اذا رحتي تتسوقين لاتشرين الشي عشانه عاجبك بس , لا اشريه عشانه يتماشى مع ستايلك ويعبر عن شخصيتك
ولاتشرين الشي عشانك شفتيه جميل على احد مو شرط يكون حلو عليك .
واذا طبقتي الحل تأكدي انه بيكون سهل عليك تنسقين لبسه بااقصر وقت لانه كل اللي عندك شي يتماشى مع ستايلك
ثالث حل : البيسك
خليك
دايم مع الملابس البايسك السبب انه البايسك تقدرين تلبسينه اكثرمن مره
وتقدرين تلبسينه كل مره بشكل مختلف وبتنسيقات كثيراعطيكم مثال خوذي قميص
ابيض البسي عليه عقد فخم او سكارف ملون او فيه ديزاين مختلف وكذا يعني
العبي من ناحية الاكسسوارات وحطيت لكم امثلة بالصور
جبت لكم بلوزه بيضاء ساده ونسقت معها عقد فخم مع جاليه زيتي تغيير تقدرين تلبسين العقد لحاله او الجاليه
المهم
انه يكون ستايلك وتنسيقك يمثلك يمثل الستايلات والالوان اللي تحبينها
لايهمك كلام الناس ابدعي ولاتمنعين نفسك اذا كان الشيء يناسبك
ثالث حل : البيس
واقصد بالبيس اللي هو اساس تبني من خلاله ستايلك
مثلا
عندك بلوزه ساده ابني عليها الستايل حطي لها عقد او سكارف بحيث يكون
السكارف او العقد هم الاساس اللي تبنين عليه بعدين من بعد ماتختارين العقد
بيسهل عليك تختارين الشنطه والجزمه
وجبت لكم صوره عشان توضح الفكره
وزي ماهوواضح بالصورة نسقت قميص جينز بسيط عادي مافيه شي مميز مع سكارف فيه الوان تتمشى مع الجينز وديزاين مختلف
الفكره زي ماقلت قبل انك تمثلين شخصيتك وذوقك من خلال تنسيقك
رابع حل : التنظيم
نظمي و نسقي ملابسك قبل الموعد او الدوام بوقت
وجبت لكم مثال
هذا التنظيم انا اسويه للدوام انسق ملابس الاسبوع يعني الاحد اخذ القميص والسكارف واعلقهم مع بعض
وبكذا هالطريقة تساعد انك تطلعين للدوام بسرعه يوفر وقت كثير وتكونين مرتاحه
اما لو تنسقين بالصبح تعب وتوتر ويمكن ماتلقين اللي تبين وتتاخرين
وهذا كل شي لهذا البوست اتمنى استفدتو
واشوفك على خير ببوست ثاني ان شاء الله
2 التعليقات
حبيت القميص الجينز مع السكارف
ردحذفآخر نصيحة مفيدة جدا
أفتكر لما كنت أداوم أيام التدريب كنت اطلع ملابسي من الليل وأقعد أقيس وأنسق
يصير عندك وقت الصبح تروقين فيه وماتتصربعين
من ذوقك ايمان
حذفايوه صادقه فكرة التنظيم قبل جدا مفيده
شكرا ..