Reading
4
Comments
اهلين بنات , اليوم سويت ريفيو عن برايمير ماسكارا من ديور ..
اول شي راح ابدا فيه اللي هو ايش البرايمر ماسكارا , البرايمير ماسكارا هي برايمير للرموش فايدته انه يعطي للرموش طول وكثافه بدون مايعطيك الوك السبايدر لاش يعني يعطي لوك كانك حاطه رموش لكن بطريقه نظيف ومرتبه ومافيها تكتلات ماسكارا لانه انتي تعتمدين على البرايمير ماسكارا بالكثافه والطول وبعدها تستخدمين ماسكرتك عشان تعطي لون فقط ..
نجي لكيف نستخدمها , اول شي استخدمي عكافة الرموش بعدين حطي من البرايمير ماسكارا على حسب رموشك وعلى حسب اللوك اللي تبينه يعني تبين رموش كثيفه وطويله وكانه مركبه رموش فبكذا بتستخدمين تقريبا 3 طبقات واذا بس حابه حجم تقريبا طبيعي وحده تكفي
ولاتحطين البرايمير وتحترينه ينشف لانه راح يخرب كل شغلك وراح يصعب عليك وضع الماسكارا
الطريقه الصح حطي البرايمير وبعدين على طول الماسكارا
مميزاتها ، سهولة الاستخدام وتعطيك لوك رموش تركيب بدقايق وماتطيح الرموش زي الماركات الثانيه
وتطول معك ماتخلص بسرعه ولا تنشف , واهم شي الفرشه تغطي كل رمش عجيبه فرشته حبيتها كثير
عيوبها , بسرعه تنشف على الرموش يعني لازم على طول تحطين عليه الماسكارا
هل تستاهل تشرينها , ايه وبكل ثقه وبكل امانه تستاهل اول شي ماتطيح الرموش ابد حتى لو حطيتي الماسكار لساعات كثيره , وتطول معاك ماتخلص بسرعه , وعلى كثر مااستخدمتها ولا مره سببت حساسيه بعيوني او احمرار ..
سعرها : 100 ريال
اماكن الشراء : وجوه , سيفوارا , فافافوم
وبشكل عام , هي مناسبه للبنات اللي مايحبون الرموش التركيب , وللبنات اللي يبون لوك الرموش الكثيفه والطويله بطريقه مرتبه
4 التعليقات
الماسكارا جميلة بس للاسف ما تناسبني لما ألبس عدسات لأن مدري كيف تنزل ع العدسة و يصير الاحساس مزعج، بس ما فيها أي مشاكل لما ألبس النظارة..
ردحذفهو اذا كانت الماسكارا كثيفه مع العدسات دايم تضايق ..
حذفنصيحه حبيبتي ابعدي عن العدسات خليها بس للمناسبات اما مناسبات عاديه او بالبيت البسي النظاره البسي العدسات عند الضرورة , وهذي نصيحه على كثر مارحت دكاترة كلهم يحذرون من اضراره ونعمة البصر نعمه عظيمه ..
الله يحميك
وشكرا على التعليق اللطيف ..
مدونه جميله متابعه لك بصمت تتهني بمشترياتك واستفدت منك ❤️❤️❤️
ردحذفهذا أجمل تعليق جاني من يوم مافتحت بلوق , شكرا
حذف