Reading
4
Comments
سلطتي المفضله / MY FAVORITE SALAD
هذي السلطه من الاطباق المفضله بالنسبه لي , جدا صحيه ومفيده وتشبع وهذا اهم شي , وتقدرين تخلينها كوجبه او طبق جانبي زي ماانتي حابه , وتقدرين تسوينها من دون البطاطس او الدجاج .. زي ماانتي حابه ..
المكونات :
المكونات زي ماانتم شايفين , خس , باذنجان , بطاطس , صدور دجاج بدون عظم , ليمونه , ثوم زي ماانتي حابه , بصل
اولا :
قشري البطاطس وقطعي الاخضر اللي فوق الباذنجان
قطعي البطاطس والباذنجان مكعبات او زي ماانتي حابه
اذا انتي مستعجله قطعيهم صغار عشان يجهزون بسرعه
ثانيا :
هذي الخطوه اختياريه تبين تقلينهم او تبين تشوينهم
فيه طريقه حلوه للشوي وهي اذا قطعتي البطاطس والباذنجان حطيهم بصينيه وحطي عليهم زيت زيتون على حسب كمية البطاطس والباذنجان وحطي ملح و زعتر جاف ودخليها الفرن لمدة نصف ساعه وبس .
ثالثا :
نظفي صدور الدجاج واذا حابه الدجاج يتشرب التتبيله والنكهات حطيها بكيس نايلون واضربيها ضربات خفيفه بملعقه خشبيه
وبعدها قطعيها زي ماتحبين , وزي البطاطس والباذنجان اذا انتي مستعجله صغري القطع مع العلم انه صدور الدجاج ماتحتاج وقت للطبخ
وبعدها نجي للتبيله حقت الدجاج وهي : ثوم زي ماتحبين , وزبادي ملعقة كبيرة , تباسكو زي ماتحبين , وخل بلسمك 2ملعقه كبيره , ملح , وزعتر مجفف
وتخلين الدجاج بالتتبيله ربع ساعه
وبعدها تحطين شوي زيت بمقلاه وخلي النار عاليه عشان مايطلع الدجاج مويته وطعمه
وخليه يتحمر من الجهتين
رابعا :
بهذي الخطوة نقطع باقي الخضار
خامسا :
خامسا :
تتبيلة السلطه :
ثوم , ليمون , زبادي , مايونيز , تباسكو , نص ليمونه , ملح
تقريبا نفس تتبيلة الدجاج , وانتي ابدعي بالتتبيله اضيفي اللي تحبين مثلا كمون او فلفل اسود ..
واخلطيهم مع بعض وبكذا نكون خلصنا
الخطوة الاخيره
ثوم , ليمون , زبادي , مايونيز , تباسكو , نص ليمونه , ملح
تقريبا نفس تتبيلة الدجاج , وانتي ابدعي بالتتبيله اضيفي اللي تحبين مثلا كمون او فلفل اسود ..
واخلطيهم مع بعض وبكذا نكون خلصنا
الخطوة الاخيره
اخلطي الخضار مع بعض وحطي نص التتبيله واخلطي الخضار وحطي الدجاج وانا اضفت خبز محمص " قطعت الخبز مربعات حطيت شوي زيت زيتون وملح وحطيته بالفرن خليته يقرمش " وتقدرين تستبدلين الخبز بالتورتيلا او دوريتوس وتزينين السلطه بالاخير بباقي التتبيله .
وبكذا انتهى هذا البوست اتمنى يكون افادكم وحبيتوه ..
وانشالله اشوفكم ببوست جديد
4 التعليقات
تسلم يدينك .. الله يعطيك العافية💜💕😋
ردحذفالله يعافيك ..
حذفباين انها تجنننننن تسلم يدينك❤️❤️
ردحذفجربيها وعطين رأيك
حذف