One Denim Jeans with 7 Looks / قميص جينز مع 7 لوكات مختلفه

One Denim Jeans with 7 Looks /  قميص جينز مع 7 لوكات مختلفه 

بالنسبة لي القميص الجينز مهم انه يكون موجود بدولاب اي بنت , تقدرين تنسقين معه اي تنسيق عجيبه قدرة القميص الجينز على انه يلائم اكثر التنسيقات , وهو من الملابس اللي تقدرين تنسقينه ليناسب مكان العمل او الدوام او لطلعه او لمناسبه بسيطه عشان كذا احس لازم كل بنت يكون موجود عندها قميص جينز 

بالنسبه لي افضل القميص الجينز الرجالي وانا عارفه انه يمكن اغلبكم استغربو بس السبب الرئيسي لانه القميص الجينز الرجالي يكون قماشه افضل وثقيل بعكس القمصان النسائيه القمصان النسائيه يااما يكون ثقيل مره او خفيف مره مافي شي وسط بعكس القمصان الرجاليه وعموما مو بس بالقمصان الجينز حتى بالانواع الثانيه سواء ابيض او المخطط افضل القمصان الرجاليه , اذا كنت بتجربين تشرين قمصان رجاليه يفضل لو تسخفين الاكمام لانه غالبا الاكمام تكون عريضه او طريقه ثانيه انك تسفطين نفس الكم زي كذا 

والطريقه الصحيحه بسفط القميص انه تسفطينه زي الصورة اللي فوق مره او مرتين بالنسبه لي افضل اسفطه 3 مرات وبعدها ارفعيه على فوق , وهذي الطريقتين مهمه لانه لو ماسويتيه بتكونين كأنك لابسه بجامه واكيد تقدرين تسوين اللي تبين هذي طريقتي انا انتي ابدعي 

نجي اللحين للتنسيقات اللي نسقتها على القميص الجينز 

اول تنسيق 

استخدمة فيه سكارف من النوع اللي فيه برنت جذاب البرنت اللي فيه على شكل حمار وحش

من افضل السكارفات اللي حصلتها لحد الان الالوان والبرنت عجيب , المهم نسقت له مع قميص جينز وجاكيت اسود طويل 

السكارف من الدو , والجاكيت من نيو لوك 

التنسيق الثاني استخدمة سكارف كمان بس سكارف مختلف وحتى هنا البرنت عجيب وخصوصا انه اسود وابيض مره موضح لون الجينز 

مع هذا السكارف تقدرين تخلينه بدون ماتربطينه على راحتك وتقدرين كمان تشيلين العقد 

السكارف من برشيكا , والعقد من لوف كلتشر 

التنسيق الثالث 

هذا التنسيق بسيط احسه حلو بهذا الوقت للجامعات او المدارس , واذا انتي من النوع اللي يحب الفخامه اكثر اضيفي معه عقد فخم 

ينفع للايام اللي تكونين كارهه الدوام او قمتي متأخره وماجهزتي شي تلبسينه و حابه تطلعين مرتبه 

البلوفر من ستار ديفايروس 

التسيق الرابع 

حتى هذا التنسيق مناسب اكثر شي للدوامات سواء مدرسه او جامعه او اي وظيفه 

هذا التنسيق للبنات اللي يحبون الاناقه وتحب انه تكون رسميه اكثر 

حبيت حركة الترنش كوت بس مايكون جاكيت يكون فيست , وحتى اللون الكريمي موضح لون الجينز 

التنرش كوت من لوف كلتشر 

التسيق الخامس 

وهذا التنسيق زي اللي قبله ينفع لاوقات الدوام مريح وفيه فخامه واناقه 

وزي ماقلت تقدرين تشيلين العقد وتبدلينه بسكارف 

الجاكيت من نيو لوك , والعقد من لوف كلتشر 

التنسيق السادس 

هذا التنسيق اكثر تنسيق حبيته احسه يمثلني كثير من ناحية التصميم وحتى الالوان 

هذا "ارمي جاكيت" من فتره وانا كنت ادور نفس النوعيه بس اغلبهن يكون زيتي ومافي الحركه اللي من عند الخصر ونسقته مع عقد مشمي فاتح احس الالوان متناسقه مع القميص الجينز بطريقه ابرزت جمال لونه 

الارمي جاكيت من ترينوفا , والعقد من محل جزم "عزكم الله" شو اكسبرس

التنسيق السابع 

حتى هذا التنسيق من النوع الفخم يعني تقدرين تلبسينه بعزيمه او طلعه مع صديقاتك 

حبيت التصميم حلو للبنات اللي يحبون  الجاكيت الفرو بس يكرهون شكلهم  فيه لانه بعض الجاكيتت اللي كله فرو تبين انك ضخمه 

نسقته مع هذا العقد , حبيت فخامة العقد لو تلبسينه مع بلوزه ساده يعطي مظهر اناقه 

 الجاكيت من تيرنوفا , العقد من شو اكسبرس  

وبس اذكركم لاتخلين احد يتحكم بتنسيقك من ناحية انه مايعجبهم فهذا طبيعي كلنا لنا ذوق مختلف لاتخلين راي الناس بلبسك او فيك يأثر عليك ماراح اقول انهم يستهترون فيك عشان هم غيورين لا بس يمكن ستايلك مو من الستايلات اللي تعجبهم هم غلط باانهم استهترو لانه كل انسان له الاحقيه انه يلبس زي مايبي وين مايبي وقت مايبي والمهم انك تمارسين انسانيتك لاتكونين نسخه من غيرك ترا الستايل يعبر عن شخصية الانسان 

فاانتي عبري عن شخصيتك بلبسك ابهري العالم ولاتناظرين لرايهم اهم شي "انتي" 

وهذا كل شي للبوست اتمنى افادتكم واشوفكم ببوست ثاني