العناية بالجسم خلال موسم الشتاء body care in winter

  العناية بالجسم خلال موسم الشتاء

  body care in winter

 بتكلم بهذا البوست عن العناية بالبشره وقت الشتاء لانه بتغير الجو تتغير البشره وخصوصا بفتره الشتاء تكون البشره جافه و حساسه 

وهذي الطرق بتساعد على انه تكون بشرتك ناعمه ومرطبه كل موسم الشتاء 

1/ ترطيب الجسم :

الى الان ماحصلت كريم جسم يظل ترطيبه لفتره , حتى لو كان فيه زبدة الشيا او جوز هند او اي شي ترطيبه عالي بس تحطينه دقايق يختفي , عشان كذا جربت اضيف على الكريم زيت , الزيوت تساعد على بقاء الترطيب لفتره اطول 

انا حابه هالكريم هذي الفتره اذا كانت بشرتك عاديه او دهنيه فممكن تستخدمينه لحاله

يرطب بدرجه حلوه لكن زي ماقلت مايطول الا اذا اضفتي زيوت مثلا اضيفي نوع واحد مثل زيت اللوز الخاص بالجسم او جنين القمح او استخدمي مثلي زيت الارقان فوائده جدا كثيره للبشره

2/ ترطيب اليدين :

 اليدين تقريبا هي اكثر شي يجف بفترة الشتاء غالبا يكون سبب قلة شرب المويه وبعد قلة الترطيب 

   قاعده استخدم هالفتره هذا الكريم 

3/ ترطيب الوجه : 

غالبا كل بشره تجف على حسب نوعيته فالبشره الدهنيه تأثير الجفاف عليها غير عن البشره العاديه وكذا..

وفيه بنات تكون بشرتها دهنيه فتبطل ترطبها بكريمات او سيروم بقصد انه دهنيه , لانه حتى البشره الدهنيه معرضه للجفاف بسبب استخدام مستحضرات وعلاجات ماتناسب البشره 

 فالخلاصه الترطيب جدا مهم لكل انواع البشره 

وانا قاعده استخدام هالفتره 4 منتجات لبشرتي وهي :

من بودي شوب face mist  

هذا بخاخ فيتامين E ومرطب وفيه موية ورد , استخدمه بعد مااغسل وجهي وتقدرين تستخدمينه كترطيب للوجه او قبل الميك اب ويستخدم كمثبت للميك اب 

حبيته من ناحية الترطيب وقبل الميك اب لكن للامانه مااستخدمته كمثبت

بس يعتبر من المنتجات الناجحه 

من بودي شوب serum-in-oil

وهذا سيروم ينحط باليل بفيتامين e 

قبل ماتحطينه لازم تكون بشرتك نظيفه لانه يعالج وبيظل على بشرتك كل الليل  

مرطب من NUXE

هذا المرطب من افضل المرطبات اللي جربتها للحين يستخدم باليل او بالنهار ويستخدم قبل الميك اب ترطيبه ينفع للبشره الحساسه والمختلطه 

واقي شمس من URIAGE

 هذا واقي شمس للبشره الدهنيه والمختلطه يستخدم للوجه والجسم درجة حمايته 50+

تستخمينه على بشره نظيفه قبل ماتحطين المرطب ثم تحطين المرطب وعادي لو تحطين بعد المرطب بي بي كريم او فاونديشن 

4/ ترطيب الشفايف :

 للشفايف اهم شي تسوينه عشان يكون الترطيب فعال هو التقشير مو لازم تشرين مقشر , خوذي سكر مع شوي زيت جوز هند ويكون معك احلى مقشر وطبيعي 

اما المرطب فاانا اسميه زبده من قوة ترطيبه 

مرطب شفايف URIAGE

من افضل المرطبات واهم شي مو معطر وطبي .

وبكذا نكون خلصنا اتمنى يكون هالبوست اعجبكم وتطلعون منه بفائده 

واتمنى اشوفكم ببوست ثاني