تنسيق ناعم / soft romantic outfit

من التنسيقات المفضله لي واكثر شي احبه فيها اكسسوار الشعر اللي صار دارج كثير من يوم مااستخدمها مصمم الازياء العجيب " اليا صعب "  

يالله نبدأ بتفاصيل التنسيق ..

اول شي .. الفستان 

الفستان هذا من اكثر الفساتين اللي تنفع لااكثر انواع الجسم لانه واسع حتى من عند الاكمام واذا جينا من عند الخصر فيه مسكه بسيطه وفتحتين من عند الوسط زي ماانتم شايفين بالصورة , الفتحتين باللبس مايبينو كثير اذا حابه تقدرين تلبسين تحته توب ابيض راح يطلع حلو ولاراح يخرب التصميم لانه زي ماذكرت الفتحتين ماراح يكونو واضحات ..  

ثاني شي .. الجزمه 

وهنا الجزمه وانتم بكرامه لونها بنفس درجة الفستان , حبيت بهذا اللوك اخلي فيه لون اساسي اللي هو لون الفستان وابدا ادرج الالوان بأستخدام الاكسسوارت , الجزمه انصح فيها كثير للبنات اللي يبون يلبسون كعب بس يخافون يأذيهم او مايريح رجولهم لانه مع هالجزمه ماراح تحسين بتعب الكعب وحتى انيقه وتنفع للدوامات..     

ثالث شي .. الشنطه 

هذي الشنطه عجيبه كذا مره اروح لزارا مااحصلها قهر , عموما هي شنطه مايحتاج اوصف جمالها لونها تعذيب و تصميمها رائع اعطيها 10 / 10 , واضح اني عاشقتها  

   

الشي الثالث .. اكسسوار الشعر 

وهنا زي ماقلت اول القطعه المميزه بالتنسيق كله هذي , هذي هي اللي بتحط لمسه غريبه للوك وبنفس الوقت بتعطي اللوك نعومه    

حاولت انسق اشياء متوجده تقريبا بأاغلب المحلات عشان اسهل لكم ..

وبكذا انتهت التدوينه اتمنى تعجبكم ..

واذا عندكم اي تساؤل او اقتراح تعالو 

تويتر وسناب