لوك بوهيمين " غجري " / Bohemian look

 ☮

 الفستان 

الفستان زي ماانتم شايفين قصته من عند الاكتاف وفيه فتحتين من الجوانب , كثير من المشاهير اللي راحو للكوتشيلا لابسين نفس طريقة هالفستان , الكوتشيلا هي اساس اللوك البوهيمين لانه اي احد يحضر كوتشيلا يكون منسق لوك غجري ..

نرجع للفستان هو من الاقمشه اللي يحتاج حاجه تحته لانه خفيف عاد انتم وابداعكم تقدرين تلبسين تحته جينز فاتح او فستان ضيق ابيض ساده وعلى ذوقكم .

اللي شفتهم يسوونه انه لابسين تحته بنطلون جينز ازرق فاتح وطلع جميل ..

☮ 

القبعه 

بهذي القبعه حبيت انها جينز لانه الجينز يناسب اغلب الالوان ويناسب الابيض بطريقه جميله ..

☮ 

الشنطة 

 الشنطة تمثل اللوك الغجري كثير من ناحية الديزين والالوان , يعني لو حابه تمشين مع موضة اللوك الغجري بس مو حابه اي شي من اللي حاطته لو تلبسين لبسك العادي ونسقتي معه الشنطه هذي او جزمه نفس طريقتها يكفي ويطلع مره جميل .

☮

الحزام 

 

 الحزام حابته مره يجنن اللون التركوز مع درجة البني اللي كذا , زي ماقلت لو مو حابه التنسيق بس ودك تمشين مع هالهبه تقدرين تلبسين قميص ابيض واسع يكون قماشه من النوع الطايح على الجسم زي القطن الخفيف وتلبسينه على الوسط مع جينز كحلي غامق يطلع لوكك عجيب .

☮

الاكسسوارات 

 من ناحية الاكسسوارات بس نسقت هالعقد ماحبيت ازود اكسسوار بما انه تنسيق لكل يوم 

وخليت فيه اللون التركوز عشان يكون مندمج مع الوك ومع الحزام ويرتب الوك ..

☮

الجزمه 

 بالجزمه كرمكم ربي , خليتها نفس لون الحزام وجبت الديزين الدارج اللي هو يكون فيه ربط كثير جميل مع الفستان لانه الفستان مفتوح فتحتين من الجوانب فيطلع خورفي مع الفستان ..

☮

النظارة 

النظاره خليت لونه بني على عسلي عشان يكون فيه تناسق وشفت اغلب اللوكات اللي بالكوتشلا 

لابسين نفس طريقة النظارة انه تكون عدساتها دائريه 

 ☮

وبكذا انتهينا من التنسيق اللحين بنجي للوك المكياج والشعر , جبت صور للي احس انهم كوينز كوتشلا 

بالصور فيه شكل تسريحاتهم ومكياجهم 

غالبا مايحطون مكياج الا شدو ذهبي ومسكار ورموش وروج نيود ويحطون كريستالات شكل اللي فيه غراء على حدود الحاجب وبين الحواجب ويلصقون تاتو ذهبي او فضي على اجسامهم 

والشعر يايفكونه ويكون ملفلف بس بطريقه عشوائيه او جديلتين او الجديله اللي تنلف على كل الراس 

وهذي الصور ..

☮